Guðmundur og Jakob hlutu Sleipnisbikarinn fyrir stóðhestinn Skýr frá Skálakoti

Skýr frá Skálakoti með ræktendum sínum, Jakobi og Guðmundi.

Sleipnisbikarinn, heiðursverðlaun íslenskrar hrossaræktar, var afhentur þeim Guðmundi Viðarssyni og Jakobi Svavari Sigurðssyni, ræktendum stóðhestsins Skýrs frá Skálakoti, á Landssýningu kynbótahrossa sem fram fór á Gaddstaðaflötum helgina 26. - 28. júní.

Sleipnisbikarinn er veittur þeim stóðhesti sem stendur efstur til afkvæma og er venju samkvæmt afhentur á Landsmóti hestamanna, en þegar ljóst varð að blása yrði af Landsmótið vegna kórónaverufaraldursins var ákveðið að stefna að sýningarhaldinu í staðinn og afhentu Bændasamtökin bikarinn við það tilefni. Skýr frá Skálakoti státar af glæsilegum árangri, en hann er 13 vetra stóðhestur með 128 stig í aðaleinkunn í kynbótamati og 52 sýnd afkvæmi. Guðmundur og Jakob voru að vonum gríðarlega ánægðir með viðurkenninguna, enda um að ræða ein virtustu og elstu verðlaun sem veitt eru í hrossarækt hér á landi. 

Hundruð áhorfenda fylgdust með sýningunni í beinu streymi á netinu, en þar gátu áhorfendur valið að hafa lýsinguna á íslensku, ensku eða þýsku.
Hér, á bls 10, er hægt að lesa meira um hvernig Landssýning kynbótahrossa fór fram.