Skógafoss Eyjafjöll

Skógafoss (60m) er talinn meðal fegurstu fossa landsins. Í Skógaá, ofan Skógafoss, eru hátt í 30 aðrir fossar, margir fallegir, og það er auðgengt meðfram ánni og gljúfrum hennar. Skógafoss er einn vinsælast foss landsins en þangað kemur mikill fjöldi gesta alla árið. Hægt er að ganga upp tröppur með fram fossinum og horfa á hann ofan frá. 

Þrasi Þórólfsson var landnámsmaður að Skógum. Hann nam land milli Jökulsár og Kaldaklofsár og var sagður fróður og forn í lund. Sagt er, að hann hafi fólgið gullkistu í helli bak við Skógafoss og að það glitri í gull Þrasa gegnum vatnsúðann, þegar sólin skín á fossinn. Margir hafa reynt að finna kistuna og einu sinni tókst að koma bandi á hring hennar, en aðeins hringurinn kom, þegar togað var í. Þessi hringur var notaður á kirkjuhurðina í Skógum og er nú meðal dýrgripa Skógasafns